فرحة عمرى
كتبهاأمال رياض ، في 7 يوليو 2009 الساعة: 11:24 ص
فرحة عمرى وهنا وجدانى
زهرة جميلة بين احضانى
حلوه الطله يحرسها الله
أدعوا معايا يارب ان شالله
تملا حياتى فرح وأمانى
فرحة عمرى وهنا وجدانى
فرحة عمرى وأحلى هديه
شافها فؤادى قبل عينيه
غنوة اتغنت بين اشجانى
فرحة عمرى وهنا وجدانى
يوم ورا يوم الحلوة بتكبر
تفرح تضحك تحلو أكتر
ولا البسمة دى ذى السكر
ونظرة عينها أحلام وأمانى
فرحة عمرى وهنا وجدانى
فرحة عمرى اترسمت صورة
هى حمامة .. ولا يمامة
لأ دى فى رقة العصفورة
كانت نونو امبارح لسة
وفجأة لقيتها ياناس دكتورة
فرحة عمرى وهنا وجدانى
كبرت والله فى قلبى الفرحه
أمتى اشوفها بتاج وبترحه
وسط زهورها تكون وردايا
وأقول قمره وسط صبايا
شمس وضيها نور عمرى
ونسة ليلى ونجم سمايا
فرحة عمرى وهنا وجدانى
ـــــــــــــــــــــــــــــــــــــــــــــــــــــــــ
التصنيفات : أشعار, الأسرة, التربية, الدين البهائى, السلام العالمى, بهائية, دين, دين الله واحد, مقالات , نحو التمدن | السمات:فن, نثر, افراح, ابيات شعرية, ابناء, ابداع, اطباء, بنات, ثقافة, شعر, طب, غلوم, صيدلة
أرسل الإدراج | دوّن الإدراج
يوليو 7th, 2009 at 7 يوليو 2009 12:06 م
دعوة لزيارة مدونتى
سعد
يوليو 7th, 2009 at 7 يوليو 2009 2:31 م
الله يهنيكم بيها زى ماهناها بكونكم أمها وأبوها وزى ماهى زى القمر في رداء التخرج حتكون قمرين بفستان الفرح والطرحة - قبلاتى على خدودها الحلوين والف الف مبرووووووووووووووك
يوليو 7th, 2009 at 7 يوليو 2009 2:34 م
الف الف الف مليون مبروك يا امال
فرحة عمرك هي فرحة عمر كل الاحباء
والله انا سعيد كان ابنتي هي تلك الوردة الجميلة التي عرفتها عن قرب وعرفت عظمة وجمال تربيتك ليها
اله يحفظها من كل مكروة ويارب تدوم الافراح واجي بنفسي اوزع شربات فرحها
مبروك يادكتورة ومبروك يا امال ومبروك لينا ولكل الاحباء في العالم هذا النموزج المشرف
يوليو 8th, 2009 at 8 يوليو 2009 12:55 م
أيام عمرى اللى فاتت علشانك عشتهم وسنين عمرى اللى جاية علشانك حشتهم حبيبة أمها ياخواتى بحبها
أغسطس 9th, 2009 at 9 أغسطس 2009 9:19 م
الف مبروك فرحة وكما يقال حيثما تستقم يقدر اللة لك نجاحا فى غابر الازمان asmaa fawzi